" ЗАҢ ЖӘНЕ ТӘРТІП"
Отырар ауданы білім бөліміне қарасты "Р.Бердібай атындағы жалпы білім беретін мектеп" КММ-де оқушылар арасында құқықтық мәдениетті қалыптастыру, заңға құрметпен қарау және тәртіпті сақтау мақсатында мектебімізде «Заң және тәртіп» тақырыбында сынып сағаттары өткізілді.
1–4 сыныптарда
DosbolLIKE жобасы аясында «Сен және мен доспыз», «Буллингтен қорған» тақырыптарында сынып сағаттары өтіп, оқушыларға достық, өзара сыйластық, бір-біріне қолдау көрсету және буллингтің алдын алу жолдары түсіндірілді.
5–8 сыныптарда
«Заңды білу – өз құқығыңды қорғау» тақырыбында өткізілген сынып сағаттарында оқушылар өз құқықтары мен міндеттері, жауапкершілік, мектептегі және қоғамдағы тәртіп ережелері туралы маңызды ақпарат алды.
9–11 сыныптарда
«Заң бәрімізге ортақ» тақырыбындағы сынып сағаттарында заң талаптарын сақтау, азаматтық жауапкершілік, құқық бұзушылықтың салдары туралы кеңінен айтылып, оқушылардың құқықтық сауаттылығы арттырылды.
Өткізілген іс-шаралар оқушылардың заңды білуіне, тәртіпті сақтауға және саналы азамат болып қалыптасуына бағытталды.
