Новости

Отырар ауданы білім бөліміне қарасты

" Рахманқұл Бердібай атындағы жалпы білім беретін мектеп" КММ-де 2026 жылдың 8 Қазан күні «Дублер күні» жоғары деңгейде ұйымдастырылып өтті.Бұл күні оқушылар ұстаздар мен мектеп әкімшілігінің рөлін атқарып, жауапкершілік, көшбасшылық, белсенділік және ұйымшылдық қабілеттерін көрсетті.

Бүгінгі дублер – ертеңгі көшбасшы!

Жас көшбасшыларға сәттілік пен жаңа бастамалар тілейміз!

Отырар ауданы білім бөліміне қарасты "Р.Бердібай атындағы жалпы білім беретін мектеп" КММ-де

Ұстаздар күніне орай,

Ұстаз – білімнің шамшырағын жағып, шәкірт жүрегіне ізгілік пен мейірімнің дәнін себетін ардақты тұлға. Ұстаз еңбегін бір күнмен ғана өлшеу мүмкін емес. Дегенмен, бұл күн – жүрегіміздегі алғысымызды білдіріп, ұстаздарға ерекше құрмет көрсететін айтулы мереке.

Осы айтулы күнге орай 7 «Ә» сынып оқушылары сынып жетекшісі Бекбатырқызы Ләйланың ұйымдастыруымен мектеп ұстаздарына таңғы көтеріңкі көңіл күй сыйлап, мерекелік құттықтауларын жеткізді.

Ақжарма тілектер мен шынайы ықыласқа толы бұл таң ұстаздарымызға қуаныш сыйлап, мерекелік көңіл күй қалыптастырды. Оқушылар өздерінің ұстазға деген құрметі мен ризашылығын жылы лебіздері арқылы білдірді.

Ұстазға құрмет көрсету – білімге, еңбектің қадіріне, адамдыққа тағзым ету.

 

Отырар ауданы білім бөліміне қарасты "Р.Бердібай атындағы жалпы білім беретін мектеп" КММ-де

Ұстаздар күніне орай,

Ұстаз – білімнің шамшырағын жағып, шәкірт жүрегіне ізгілік пен мейірімнің дәнін себетін ардақты тұлға. Ұстаз еңбегін бір күнмен ғана өлшеу мүмкін емес. Дегенмен, бұл күн – жүрегіміздегі алғысымызды білдіріп, ұстаздарға ерекше құрмет көрсететін айтулы мереке.

Осы айтулы күнге орай 7 «Ә» сынып оқушылары сынып жетекшісі Бекбатырқызы Ләйланың ұйымдастыруымен мектеп ұстаздарына таңғы көтеріңкі көңіл күй сыйлап, мерекелік құттықтауларын жеткізді.

Ақжарма тілектер мен шынайы ықыласқа толы бұл таң ұстаздарымызға қуаныш сыйлап, мерекелік көңіл күй қалыптастырды. Оқушылар өздерінің ұстазға деген құрметі мен ризашылығын жылы лебіздері арқылы білдірді.

Ұстазға құрмет көрсету – білімге, еңбектің қадіріне, адамдыққа тағзым ету.

 

Отырар ауданы білім бөліміне қарасты «Р.Бердібай атындағы жалпы білім беретін мектеп» КММ-де оқушылардың ұстазға деген құрметін арттыру, мұғалім еңбегінің маңызын түсіндіру, өз ойын көркем әрі сауатты жеткізуге дағдыландыру, шығармашылық қабілеттерін дамыту мақсатында 5–8 сынып оқушылары арасында «Ұстазым, ұлағатым, үлгі-өнегем» тақырыбында эссе жазу жұмысы ұйымдастырылды. Оқушылар өз эсселерінде ұстаздың адам өміріндегі орны, білім мен тәрбие берудегі еңбегі, өздеріне үлгі болған мұғалімдері туралы ойларын жеткізді. Шығармашылық жұмыс барысында оқушылардың жазу сауаттылығы, ой қорыту және өз пікірін еркін білдіру қабілеттері көрініс тапты.

Отырар ауданы білім бөліміне қарасты «Рахманқұл Бердібай атындағы жалпы білім беретін мектеп» КММ-де 2026 жылы 30 сәуір күні Мектеп Президентін сайлау болып өтті.

Сайлауға мектептің 10-сынып оқушылары арасынан үміткерлер қатысып, өздерінің сайлауалды бағдарламаларын ұсынып, мектеп оқушыларына өз мақсаттары мен жоспарларын таныстырды.

Сайлау алдындағы кезеңде үміткерлер белсенді түрде үгіт-насихат жұмыстарын жүргізіп, өз бағдарламаларын насихаттады.

Дауыс беру барысында сайлау комиссиясы өз міндеттерін жауапкершілікпен атқарып, дауыс беруге келген оқушыларға сәттілік тіледі. Сайлаушылар арнайы сайлау жәшігіне өз таңдауларын жасап, азаматтық белсенділіктерін көрсетті.

Сайлауға 7–11 сынып оқушылары мен мектеп ұжымы белсенді қатысып, өз таңдауларын білдірді.

Сайлау қорытындысы бойынша ең көп дауыс жинаған 10 «А» сынып оқушысы Лесбек Шұғыла мектеп Президенті болып сайланды!

Шұғылаға жаңа қызметінде сәттілік, жауапкершілік пен толағай табыстар тілейміз!

Мектеп өміріне белсенді араласып, оқушылардың игілігі жолында жақсы бастамаларды жүзеге асырады деп сенеміз!

Оқушылардың белсенділігі мен жауапкершілігі – мектептің жарқын болашағының кепілі!

Жаңашыл ұстаз – жаңарған білімнің жаршысы, заманауи білім беру үдерісінің көшбасшысы.

Ұстаздар күніне орай мектебімізде «Ұстазға құрмет – ұрпаққа өнеге» іс-шаралар жоспары аясында «Жаңашыл ұстаз» тақырыбында шығармашылық жұмыс ұйымдастырылды.

Бүгінгі ұстаз – тек білім беруші ғана емес, шәкірттің ізденісіне жол ашатын, жаңа технологияларды тиімді пайдаланып, оқушының шығармашылық қабілетін дамытуға бағыт беретін жаңашыл тұлға.

Заманауи әдіс – сапалы білімге бастар жол.

Үздіксіз ізденіс – ұстаздың кәсіби дамуының негізі.

Жаңашылдық – білім алушының жаңа мүмкіндіктеріне жол ашады.

Өз ісіне жауапкершілікпен қарап, үнемі ізденіп, білім берудің жаңа тәсілдерін меңгеріп жүрген барша ұстаздарға шығармашылық шабыт пен кәсіби табыс тілейміз!

Жаңашыл ұстаз – жарқын болашаққа жол сілтейтін тұлға!

Түркістан облысы Отырар ауданы білім бөліміне қарасты "Рахманқұл Бердібай атындағы жалпы білім беретін мектеп" КММ-де Ұстаздар күніне орай мектебімізде іс-шара ұйымдастырылды.

Кітап – адамның ой-өрісін кеңейтіп, білімін тереңдететін рухани қазына. Ал кітап оқитын ұстаз – шәкіртіне сөзбен ғана емес, өзінің іс-әрекетімен үлгі көрсететін тұлға.

Ұстаздың кітап оқуы – кәсіби дамудың, ізденістің және үздіксіз білім алудың белгісі. Оқыған сайын ой толығады, ізденген сайын жаңа мүмкіндіктер ашылады.

«Кітап оқитын ұстаз – білімге құштар шәкірт тәрбиелейді».

Бейнероликте ұстаздардың кітап оқуға деген қызығушылығы, кітаптан алған әсері мен ой-толғамдары талданып, оқуға құштар ұстаздың келбеті көрініс табады.

Кітап оқиық, ой бөлісейік, білімімізді бірге арттырайық!

Отырар ауданы білім бөліміне қарасты "Р.Бердібай атындағы жалпы білім беретін мектеп" КММ-де тілдер мерекесіне орай өткізілген онкүндікті қорытындылау мақсатында мектебімізде әдеби кеш ұйымдастырылды.

Іс-шараның негізгі мақсаты – оқушылардың ана тіліне деген сүйіспеншілігін арттыру, тіл тазалығын сақтау, тілдің мәртебесін көтеру.Кеш барысында қазақ,орыс және ағылшын тілдерінде өлеңдер мәнерлеп оқылып, тілдің адам өміріндегі орны мен маңызы туралы тағылымды ойлар айтылып, көрермендерге патриоттық рух сыйлайтын әсерлі өлеңдер, әндер мен күйлер ұсынылды. Домбыра үні де кештің ажарын аша түсті.

Сонымен қатар 9-сынып оқушыларының қатысуымен көрініс көрсетілді.Кеш барысында «Қазақ тілі – елдігіміздің тірегі, орыс тілі – достықтың дәнекері, ағылшын тілі – әлемдік білім мен ғылымға жол ашатын тіл» деген тағылымды ой айтылып, үш тілдің қазіргі қоғамдағы маңызы айқындалды.

Тіліміз тұғырлы, бірлігіміз бекем, болашағымыз жарқын болсын!